താമസം
ഓര്മ്മകളില് നനഞ്ഞൊലിച്ചുകൊണ്ട്
ഞാന് വീണ്ടുമെഴുതുന്നു
നിത്യസംവേദനങ്ങളുടെ വിരസതയില്
മനസ്സുപിടഞ്ഞ് നിലവിളികളിലേക്ക്
ഞാന് ഊളിയിട്ടുണരുന്നു
ഇവിടെത്തങ്ങിനില്ക്കുന്ന നിശ്ശബ്ദതയില്
അസത്യമുണ്ട്
ഇവിടം ശൂന്യമല്ല
കഴിഞ്ഞുപോയവന്റെ കണ്ണീര്
ഞാനറിയുന്നു
നടന്നാല് തീരാത്ത വഴിയുടെ ഓരത്ത്
ഞാനെന്റെ കുടില് നാട്ടുന്നു
വരുന്നെങ്കില് വരൂ
നിങ്ങള്ക്കുമറിയണ്ടേ
കഞ്ഞികുടിക്കാനില്ലാത്തവന്റെ
കണ്ണേറിലെ വിശപ്പിന്റെ പയറും ചമ്മന്തിയും
അനൂപ്.എം.ആര്
0 Comments:
Post a Comment